တန်ဖိုးထားတတ်ဖို့

ဒီ post ကိုတင်ရတဲ့ရည်ရွယ်ချက်ကတော့ လူတိုင်းကိုယ်ပိုင်တဲ့အရာတိုင်းကို တန်ဖိုးထားတတ်ဖို့ပါ။ နည်းပညာတွေမြင့်လာတာနဲ့အမျှ ကျွန်တော်တို့ဟာ ကိုယ့်ရဲ့ပတ်ဝန်းကျင်မှာရှိတဲ့ သက်ရှိသက်မဲ့ အရာတိုင်းကို နည်းပညာရဲ့ အထောက်အပံ့ယူပြီး လွယ်လွယ်ကူကူနဲ့ပဲ အသုံးချနေကြပါတယ်။ ကိုယ်နေ့စဉ်သုံးနေတဲ့ အသုံးအဆောင်တွေကိုကျွန်တော်တို့ဘယ်လောက်များတန်ဖိုးဘယ်လောက်ထားဖူးပါသလဲ?
နောက်ကွယ်မှာရှိတဲ့ သူတို့ရဲ့ တန်ဖိုးကိုရော စဉ်းစားမိပါသလား? ဥပမာပြောရရင် ဖိနပ်တစ်ရံ ပေါ့။ ကိုယ်ပိ်ုင်တဲ့ဖိနပ်တစ်ရံရဲ့ တန်ဖိုးကို ငွေကြေးနဲ့ မဆုံးဖြတ်ဘဲ သူ့ရဲ့အသုံးဝင်မှူ့၊ သူနဲ့အတူဖြတ်သန်းခဲ့တဲ့ အမှတ်တရတွေနဲ့ ဆုံးဖြတ်မယ်ဆိုရင်တော့ လူတစ်ယောက်နဲ့တစ်ယောက် အတွက်အဲဒီဖိနပ်တစ်ရံရဲ့တန်ဖိုးဟာ ကွာခြားသွားပါလိမ့်မယ်။ လူနှစ်ယောက်ဟာ တစ်ပုံစံတည်းတူတဲ့ဖိနပ် တစ်ရံစီကို တန်ဖိုးအတူတူပေးပြီးဝယ်ခဲ့တယ်ဆိုပါစို့။ နှစ်တွေကြာလာတာနဲ့အမျှ အဲဒီလူနှစ်ယောက်အတွက်သူတို့ ပိုင်တဲ့ ဖိနပ်တွေရဲ့အဓိပယ်(စာလုံးပေါင်းသည်းခံပါ) ဟာကွားခြားသွားပါလိမ့်မယ်။ ပထမလူကသူဝယ်ခဲ့တဲ့ဖိနပ်ကို တသသနဲ့ထားပြီး ပါတီ ပွဲတက်တဲ့အချိန်မှာပဲထုတ်စီးမယ်။ ဒုတိယလူအတွက်တော့ သူ့မှာ အသစ်ဝယ်ခဲ့တဲ့ဖိနပ်တစ်ရံပဲရှိတဲ့အတွက်သူအပြင်သွားတိုင်း အဲဒီိဖိနပ်ကို ပဲစီးမယ်။ ဒီလိုဆိုရင် ဖိနပ်တစ်ရံစီရဲ့အဓိပယ် နဲ့ သူတို့နဲ့ပတ်သက်တဲ့အမှတ်တရတွေဟာ လူနှစ်ယောက်အတွက်တော်တော်ကွာခြားသွားပါပြီ။ ပထမလူကသူ့ဖိနပ်ကိုမြင်တိုင်း ပါတီပွဲအကြောင်းကို သတိရမယ်၊ ပါတီမှာအတူတူပျော်ခဲ့တဲ့သူ့ရဲ့သူငယ်ချင်းတွေကိုသတိရမယ်။ ဒုတိယလူကျတော့ သူနဲ့အတူနေပူမရှောင် မိုးရွာမရှောင် ဖြတ်သန်းခဲ့တဲ့ ဖိနပ်ကို သူအပြင်သွားဖို့ ပြင်ဆင်တိုင်း သတိရနေမှာပါ။ ဒါကြောင့် ဖိနပ်တစ်ရံရဲ့နောက်မှာ သူ့ရဲ့ နောက်ကြောင်းရာဇ၀င် နဲ့ အဓိပယ်တွေအများကြီးရှိပါတယ်။ ကိုယ့်ပတ်ဝန်းကျင်မှာရှိတဲ့ အသုံးအဆောင်တွေကို ပစ်စည်း သက်သက်အဖြစ်မမြင်ဘဲ ကိုယ်ရဲ့နေ့စဉ်ဘ၀တွေကို အတူတူဖြတ်သန်းခဲ့တဲ့ သူငယ်ချင်းတစ်ယောက်အဖြစ်မြင်ကြည့်ရင် အဲဒီအသုံးအဆောင်ဟာ ကိုယ့်အတွက်ပိုပြီးအဓိပယ်ရှိလာပါလိမ့်မယ်။ ကျွန်တော်တို့ ပြောကြတယ်လေ...လူတစ်ယောက်ရဲ့ ဖိနပ်ကိုကြည့်ပြီး သူဖြတ်သန်းခဲ့တဲ့နေ့ရက်တွေနဲ့ သူဟာဘယ်လိုလူလဲဆိုတာကိုပြောနိုင်တယ်တဲ့...။ ဒီ concept လေးကို Vincent van Gogh ရဲ့ ၁၈၈၅ခုနှစ် မှာရေးဆွဲခဲ့တဲ့ A Pair Of Shoes တဲ့ဆီဆေးပန်းချီကားလေးနဲ့ မျှဝေလိုက်ပါတယ်။